शिक्षामा महिलाको सहभागिताका चुनौती

नेपालको सन्दर्भमा आधाभन्दा बढी जनसंख्या ओगटेका महिलाको उचित सहभागिताबिना समावेशी, समान र गुणस्तरीय शिक्षा प्रणाली सम्भव छैन । विगत केही दशकयता नेपालको शिक्षा क्षेत्रमा महिलाको सहभागिता उल्लेखनीय रूपमा बढेको छ । विद्यालय, क्याम्पसदेखि लिएर विश्वविद्यालयसम्म महिला शिक्षक, प्रशासक, नीति निर्माता र अनुसन्धानकर्ताको भूमिका क्रमशः बढ्दो क्रममा देखिएको छ ।

तथापि, अझै पनि लैंगिक असमानता, पारिवारिक जिम्मेवारी, सामाजिक मान्यता, सरकारी, गैरसरकारी र निजी क्षेत्रलाई अध्ययन गर्दा उनीहरूले पाउने सेवा सुविधामा असमानताजस्ता चुनौती कायमै छन्, जसले महिलाको पूर्ण सहभागितालाई सीमित पारिरहेको छ ।