प्रथम महिला प्रधानमन्त्री कार्कीद्वारा शपथ ग्रहण

डुनामिस न्युज, काठमाडौं । नवनियुक्त प्रधानमन्त्री सुशीला कार्कीले आफ्नो पदभारको लागि शपथ ग्रहण गर्नु भएको छ।

नेपालकै इतिहासमा पहिलो महिला प्रधानमन्त्री बन्ने सौभाग्य पाउनु भएकी कार्कीले शीतल निवासमा सुक्रबार आयोजति विशेष समारोहकाबीच शपथ ग्रहण गर्नु भएको हो।

पूर्वप्रधान्यायाधीश समेत रहनु भएकी प्रधानमन्त्री कार्कीले राष्ट्रपति रामचन्द्र पौडेलबाट शपथ ग्रहण गर्नु भएको हो।

गतसाता युवा पुस्ता (जेन–जी)को आन्दोलनले अघिल्लो सत्ता ढालेपछि उहालाई अन्तरिम सरकारको प्राधानमन्त्री पदमा नियुक्त गरिएको हो ।

उहाँले आधा पदावधि बाँकी रहेको प्रतिनिधिसभालाई आजैदेखि विघटनको सिफारिस गर्नु भएको छ ।

नवगठित सरकारले पहिलो मन्त्रिपरिषद् बैठकबाट जननिर्वाचित संसद भंग गरेको मुलुकको इतिहासमा यो दुर्लभ घटना हो ।

(जेन–जी) आन्दोलन पछि घुडा टेक्न बाध्य भएको पुर्व प्राधानमन्त्री केपी ओली नेतृत्वको सरकार ढलेपछि कार्कीलाई अन्तरिम सरकार प्रमुख बन्न पाउने अवसर मिलेको हो।

राष्ट्रपति कार्यालयमा शुक्रबार साँझ भएको सहमतिसँगै देशले पहिलो महिला नेतृत्व पाएको छ ।

प्रधानन्यायाधीशबाट अवकाश पाएको करिब आठ वर्षपछि कार्कीले कार्यपालिकाको नेतृत्व गर्ने पहिलो महिला सरकार प्रमुखको इतिहास पनि रच्ने मौका पाउनु भएको हो ।

न्यायपालिकामा रहँदा कसैको पक्षपोषन नगर्ने, हक्की र इमानदार चरित्रले चिनिएकी कारण उहा आज चर्चित बन्दै आउनु भएको छ ।

विभिन्न सामाजिक सञ्जाल बन्दको विरोधमा उत्रिएका जेनजीहरूको आन्दोलनपछि देशका व्यवस्थापिका, कार्यपालिका र न्यायपालिका तीनवटै अंग ध्वस्त भएका थिए भने प्रधानमन्त्री केपी शर्मा ओलीले राजीनामा दिनुपरेको थियो ।

प्रधानमन्त्रीको राजीनामालगत्तै प्रधानसेनापति समेतको सहभागितामा राष्ट्रपति रामचन्द्र पौडेलले नयाँ सरकार गठनको प्रक्रिया अघि बढाउनु भएको थियो।